Charlie Hebdo basylymyna shabýyl: Eki kúdiktige izdeý jarııalandy
ASTANA. QazAqparat - Frantsııa polıtsııasy Charlie Hebdo jýrnalynyń redaktsııasyna shabýyl jasady degen kúdikpen eki adamnyń sýretin jarııalady, dep habarlaıdy Bı bı sı. Aǵaıyndy Kýashı - 34 jastaǵy Saıd pen 32 jastaǵy Sherıf izdestirilip jatyr.
BAQ habarlamasy boıynsha, j ýrnal redaktsııasyna shabýyl jasady degen úshinshi kúdikti Amıd Mýrad qylmysqa qatystylyǵyn moıyndap, polıtsııaǵa óz erkimen berilgen.
Al onyń dostary áleýmettik jelilerge Amıd Mýrad sársenbide, jýrnal redaktsııasyna shabýyl jasalǵan kezde mektepte bolǵanyn jazýda. Ony tutqyndaý resmı rastalǵan joq.
Sherıf Kýashı 2008 jyly Iraktaǵy terrorlyq áreketi - kóterilisshilerge kómek bergeni úshin aıyptalyp, jaýapkershilikke tartylǵan. Ol bir jarym jylyn túrmede ótkizdi.
Sársenbide Charlie Hebdo jýrnalynyń redaktsııasyna shabýyl kezinde 12 adam qaza tapty.
