AQSh prezıdenttigine úmitker: Charlı Kırktiń áıeli Vensti qoldaıdy
ASTANA. KAZINFORM — Turning Point USA-nyń negizin qalaýshy Charlı Kırktiń jesiri Erıka Kırk 2028 jyly ótetin prezıdenttik saılaýǵa úmitker AQSh vıtse-prezıdenti Djeı Dı Venstiń kandıdatýrasyn qoldady, dep habarlaıdy agenttiktiń menshikti tilshisi NBC News arnasyna silteme jasap.
— Biz kúıeýimniń dosy Djeı Dı Vensti saılamaqpyz, — dedi Erıka Kırk Fenıks kongress ortalyǵyndaǵy jyl saıynǵy America Fest konferentsııasynyń ashylý saltanatynda.
Turning Point USA — eń yqpaldy konservatıvti uıymdardyń biri. Ásirese, jas belsendiler men MAGA («Amerıkany qaıtadan uly et» urany) saılaýshylary arasynda yqpaldy.
Eger Vens úsh jyldan keıin prezıdenttikke úmitker bolsa, Erıka Kırktiń qoldaýy úlken yntalandyrý bolmaq.
Qarasha aıynda AQSh vıtse-prezıdenti Djeı Dı Vens Fox News arnasyna bergen suhbatynda Kongresstiń aralyq saılaýynan keıin prezıdenttikke kandıdatýrasy týraly sheshim qabyldaýǵa nıetti ekenin málimdedi.
Aıta keteıik, AQSh-ta qyrkúıek aıynda saıasatker, ári bloger Charlı Kırkke oq atyldy.
Donald Tramp qaza tapqan Charlı Kırkti eń joǵary azamattyq medalmen marapattady.