Charlı Chaplınniń shań basyp jatqan povesi jaryq kórdi
ASTANA. QazAqparat - Aty ańyzǵa aınalǵan akter ári rejısser Charlı Chaplınniń uzaq ýaqyttan beri jeke muraǵatynda saqtalyp kelgen biregeı «Rampa» povesiniń qoljazbasy jaryq kórdi, dep habarlaıdy VVS Orys qyzmeti.
Sonaý 1940 jyldardyń sońynda jazylǵan «Rampa» shyǵarmasyna mansabynyń sońynda ózine ózi qol jumsaýdy oılastyrǵan balerınanyń buralań soqpaqqa toly ómir joly arqaý bolǵan.
Týyndyǵa Chaplınniń «Ognı rampy» kıno stsenarııi negiz bolǵan. Al bul onyń AQSh-ta túsirilgen sońǵy fılmi. Chaplınniń jaqyn týystarynyń aıtýynsha, shyǵarmadaǵy áreketter kóbine onyń ómirbaıany ispettes. Atalmysh oqıǵa 1914 jyldary, ıaǵnı ol alǵashqy fılm túsirgen kezeńde oryn alǵan.
