Chanel jáne Christian Dior zergeri dúnıeden ótti
ASTANA. QazAqparat - 89-ǵa qaraǵan shaǵynda Chanel jáne Christian Dior fırmalarynda eńbek etken frantsýz zergeri Rober Gýssens dúnıeden ótti, dep habarlady Lenta.rý.
Gýssens 1927 jyly týǵan, ol eńbek jolyn Cartier ottyqtaryn bederleýden bastady. Keıinirek Chanel sán úıinde jumys jasaı júrip, «vızantııalyq stıldi» damyta bastady.
1960 jyldary Gýssens Chanel úshin gúldi áýendermen, injýmen jáne monshaqtarmen alqa jasady, anglosakson belbeýlerinen kóshirilgen búrkitter beınesin, maltı túıreýishterin jasady.
Ár jyldarda zerger Scherrer, Givenchy, Mugler jáne Lacroix sııaqty brendtermen yntymaqtasty. Áshekeılerden basqa Gýssens ıissýlar úshin quty, zergerlik oımaqtar jáne aına jasady. 1974 jyly Parıjdegi avenıýde óz dúkenin ashty. 2005 jyly dúkendi Chanel satyp aldy, al ony basqarý zergerdiń muragerleri Patrık pen Martın Gýssensterge berildi.
