«Champı» taıfýny Japonııaǵa jaqyndasa rekordtyq jaýyn jaýmaq
ASTANA. KAZINFORM – Japonııa meteorologııalyq agenttiginiń málimetinshe, «Champı» taıfýny dúısenbi kúni eldiń ońtústik-batysyndaǵy Kıýsıý óńirine jaqyndaýy múmkin. Keıin ol tropıkten tys tsıklonǵa aınalyp, Sıkoký aralynyń batys jaǵalaýyndaǵy sýly aımaqqa qaraı jyljıdy, dep habarlaıdy JIJI Press agenttigi.
Meteorologııalyq agenttik Japonııanyń shyǵysy men batysyna sozylyp jatqan atmosferalyq frontqa baılanysty nóser jaýyn qaýpi bar ekenin eskertip, turǵyndardy saq bolýǵa shaqyrdy.
Bıylǵy 30-shy taıfýn senbi kúni tústen keıin Okınava prefektýrasyndaǵy Sakısıma araldarynyń soltústigindegi teńiz ústimen jyljyp bara jatqan.
#Taiwan 🇹🇼 #TyphoonChampi 🌀 Stay safe. Heed warnings. https://t.co/jTbkmwpASR
— 🚶🏻Curtis S. Chin (@CurtisSChin) October 24, 2026
#TAIWAN 🇹🇼 🌀 Il tifone #Champi colpisce la capitale #Taipei con pioggia e forti venti. Il primo bilancio: un morto, alberi e linee elettriche abbattuti, danni ad edifici e strutture, brevi allagamenti e oltre 5.000 evacuati. 📹Reuters https://t.co/DkZ92cykt5
— Asiablog.it (@Asiablog_it) October 24, 2026
Jergilikti ýaqyt boıynsha saǵat 15:00-degi málimetke sáıkes, taıfýn Japonııanyń batystaǵy eń shetki qonystanǵan araly Ionagýnıden soltústikke qaraı shamamen 250 shaqyrym qashyqtyqta bolǵan. Ol soltústik-soltústik-shyǵys baǵytta saǵatyna 20 shaqyrym jyldamdyqpen qozǵalǵan. Ortalyqtaǵy atmosferalyq qysym 985 gektopaskaldy qurap, jeldiń eń joǵary jyldamdyǵy sekýndyna 30 metrge jetken.
Okınava prefektýrasyndaǵy Irıomote aralynda senbi kúni saǵat 13:40-qa deıingi 48 saǵatta 567 mıllımetr jaýyn-shashyn túsip, jergilikti rekord jańardy. Al Mıe prefektýrasyndaǵy Ovase qalasynda saǵat 17:00-degi jaǵdaı boıynsha 24 saǵatta 329 mıllımetr jaýyn-shashyn tirkelgen.
Buǵan deıin «Dýtszıýan» taıfýny Japonııanyń shyǵysynda rekordtyq jaýyn-shashyn ákelgennen keıin qyrkúıek aıynda Tıba prefektýrasyndaǵy 10 myńnan astam úı elektr jaryǵynsyz qalǵanyn habarlaǵanbyz.
