Chadtyń burynǵy premer-mınıstri 20 jylǵa bas bostandyǵynan aıyryldy
ASTANA. KAZINFORM — Chad soty 2024 jylǵy qańtar men mamyr aralyǵynda úkimetti basqarǵan burynǵy premer-mınıstr Sıýkse Masrany 20 jylǵa bas bostandyǵynan aıyryp, 1,6 mıllıon AQSh dollary kóleminde aıyppul saldy, dep jazady TASS.
Bul týraly eldiń Alwihda jańalyqtar portaly habarlady.
Basylymnyń málimetinshe, Masra qarýly kóteriliske úndeý jasaǵany úshin kináli dep tanyldy. Іs materıaldarynda 2023 jyly Sıýkse Masranyń sóılegen sóziniń aýdıojazbasy aıǵaq retinde keltirilgen. Alaıda qorǵaý tarapy bul sóılemder konteksten úzilip alynǵan jáne terrorızmge qarsy kúreske qatysty bolǵanyn alǵa tartty. Prokýratýra oǵan 25 jyl túrme jazasyn suraǵan bolatyn.
Sottaǵy sońǵy sózinde Chadtyń jetekshi oppozıtsııalyq partııasynyń jetekshisi Masra óz jaqtastaryn sabyr saqtaýǵa shaqyrdy. Ol bıylǵy jyldyń 16 mamyrynda tutqyndalǵan edi.
41 jastaǵy Sıýkse Masra 2024 jyldyń kókteminde ótken prezıdenttik saılaýda 18,5% daýys jınap, qazirgi prezıdent Mahamat Idrıs Debı Itnogo jol bergen. Oppozıtsııa lıderi saılaý nátıjesin moıyndaýdan bas tartqan bolatyn.
Osyǵan deıin habarlanǵandaı,