Chad astanasynda prezıdent saraıyna jasalǵan shabýyldan 19 adam qaza tapty

ASTANA. KAZINFORM — Jergilikti bıliktiń málimetinshe, atys kezinde qaza tapqandardyń arasynda 18 shabýylshy men qaýipsizdik qyzmetiniń bir qyzmetkeri bar, dep habarlaıdy Kazinform VVS-ge silteme jasap. 

Shabýyldy «Boko Haram» jıhadtyq tobynyń sodyrlary jasady degen boljam bar, olar buǵan deıin úkimet nysandaryna shabýyl jasaǵan. Bıliktiń habarlaýynsha, shabýylǵa barlyǵy 24 adam qatysqan.

— Shabýyl jasaýshylardyń 18-i qaza taýyp, altaýy jaraqat aldy. Bizde bir adam qaza taýyp, úsheýi jaralanǵan, bireýiniń jaǵdaıy aýyr, — dedi úkimet ókili jáne syrtqy ister mınıstri Abderaman Kýlamalla AFP-ge.

Agenttik tilshileriniń habarlaýynsha, prezıdent rezıdentsııasyna aparatyn joldar jabylyp, kóshelerde tankter júre bastaǵan. 

Shabýyl kezinde Chad prezıdenti Mahamat Debı saraıda bolǵan. 

Jergilikti bıliktiń habarlaýynsha, qazir jaǵdaı baqylaýǵa alyndy. 

Buǵan deıin Nıgerııada qaıyrymdylyq sharasy kezinde jappaı qyspaqta qalǵan jurt birin-biri taptap, 22 adam kóz jumǵanyn jazǵan bolatynbyz.