Chabahar porty Úndistannan Ortalyq Azııaǵa jol ashady

ASTANA. KAZINFORM –Úndistan men Iran Chabahar portyn birlesip damytý týraly 10 jyldyq kelisimge qol qoıdy. Úndistan Ortalyq Azııa elderimen saýda qatynastaryn damytýǵa nıetti, dep jazady The Times of India.  

Kelisim Úndistanǵa Irannyń Pákistanmen ońtústik-shyǵys shekarasyna jaqyn ornalasqan Chabahar portyn 10 jyl paıdalanýǵa ruqsat beredi. Chabahar portynyń ornalasqan jeri strategııalyq turǵyda Úndistannyń Ortalyq Azııaǵa tikeleı shyǵýyn qamtamasyz etedi.

Úndistan Ortalyq Azııa aımaǵy elderimen saýda qarym-qatynastaryn damytý jolynda mańyzdy qadam jasady. Sarapshylardyń pikirinshe, bul pakt Úndistannyń geosaıası salasyn keńeıtý nıetin kórsetedi.

Kelisimge sáıkes, India Ports Global Limited port ınfraqurylymyn damytýǵa 370 mıllıon dollar ınvestıtsııalaýǵa mindetteldi.