Tsesnabankpen jasalǵan mámile qarjylyq sektorǵa áser etpeıdi - BTsK

ASTANA. QazAqparat - «Bank TsentrKredıt» AQ koreıalyq Kookmin Bank-tiń BTsK-degi úlesin satýǵa nıettiligi jáne «Tsesnabank» AQ birigý jónindegi kelissózderge qatysty pikir bildirdi, dep habarlaıdy «QazAqparat» HAA tilshisi.

«Ázirge Tsesnabank Kookmin Bank úlesin satyp alǵan joq. Aktsıonerleriniń aýysý protsesi 2017 jyly sáýirdiń ekinshi jartysynda tolyq aıaqtalady dep boljanýda. Atalǵan mámile qarjylyq naryqqa asa yqpal ete qoımaıdy degen oıdamyz», - delingen QazAqparattyń resmı saýalyna berilgen jaýapta.

Eske sala ketsek, koreılik bank 2008 jyly qazaqstandyq banktiń 23% úlesin satyp alǵan, 2010 jyly Kookmin óz úlesin 42% deıin jetkizdi. Bul rette 30% - qarapaıym, 10% - artyqshylyǵy bar aktsııalar.

Búginde BankTsentrKredıttegi Kookmin Bank úlesi 41,9 paıyzdy quraıdy. Koreıalyq BAQ-tyń habarlaýynsha, bul úles  939,2 mlrd vonǵa satyp alynǵan.

BTsK-nyń taǵy bir aktsıoneri -International  finance corporation ózine tıesili banktiń 10-paıyzdyq úlesin Baqytbek Rymbekuly Baıseıitovke satty. Mámile 15 naýryzda jasaldy. Ózgerister nátıjesinde Baqytbek Rymbekuly Baıseıitovtiń úlesi daýys beretin aktsııalardyń jalpy sanynyń 44,5% qurady.