«Tsesnabank» týraly jalǵan aqparat taratqan 3 adam anyqtaldy
«Kóp jaǵdaıda azamattar bir-birine tekserilmegen aqparattardy jiberip jatady. Al munyń sońynda úlken qoǵamdyq dúrbeleń týǵyzatyny da bar. Máselen, Astana qalasynyń ishki ister departamenti ekinshi deńgeıli bankterdiń birinde aldaǵy ýaqytta defolt bolady degen jalǵan aqparatty WhatsApp arqyly taratý faktisin tergeýde. Qazirgi ýaqytta ony taratýǵa qatysy bar Almaty, Shymkent qalalarynyń jáne Almaty oblysynyń úsh turǵyny anyqtalǵan. Olar aqparattyń senimdiligine kóz jetkizbesten jáne bank salasynyń mamany emestigine qaramastan WhatsApp arqyly túrli toptarǵa habarlama jibergen», - dedi ol.
Esterińizge sala ketsek, biraz ýaqyt buryn «Tsesnabank» AQ qarjylyq ahýaly nasharlaǵandyǵy týraly jalǵan aqparat taraǵan bolatyn. Osyǵan oraı atalǵan qarjy ınstıtýty QR ІІM Tergeý departamentine júginip, QR Qylmystyq kodeksiniń 274 baby boıynsha sotqa deıingi tergeý amaldary júrgizilgen edi.