«Tsesna» saýda úıin tonap, 3,5 mln. teńge urlaǵandar ustaldy
ASTANA. 26 qańtar. QazAqparat /Arman Asqarov/ - «Tsesna» saýda úıin tonaǵan Óskemen qalasynyń eki turǵyny ustaldy. Bul týraly búgin elordada ótken baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Onyń habarlaýynsha, Shyǵys Qazaqstan oblysynyń polıtsııa qyzmetkerleri 23-30 jas aralyǵyndaǵy eki jergilikti turǵyndy ustady. Olar ótken jyldyń jeltoqsan aıynda Óskemen qalasyndaǵy «Tsesna» saýda úıine basa-kóktep kirip, 63 jastaǵy kúzetshini qorqytý arqyly 3,5 mln. teńge urlap ketken. «Qazirgi kezde kúdiktilerden urlanǵan aqshanyń bir bóligi jáne gazdy tapansha tárkilenip otyr. Olardyń osyǵan uqsas ashylmaǵan qylmystarǵa qatysy bar-joqtyǵy anyqtalýda», - dep atap kórsetti Q.Jumanov.
