Tserebraldy sal aýrýyna shaldyqqan balalardy emdeýge 870 mln teńge bólinedi
Bul týraly qordyń tóraǵasy Bolat Jámishev Ortalyq kommýnıkatsııalar qyzmetinde aıtty.
«Erte aralasý ortalyqtaryn jabdyqtaý jobasyna biz seriktes rólinde qatysyp jatyrmyz. «Samuryq-Qazyna Trastpen» birge 13 qaladaǵy ortalyqty jabdyqtaýǵa 870 mln teńge bólemiz. Bul negizinen tserebraldy sal aýrýy dıagnozy qoıylǵan balalarǵa baǵyttalady. Aýrýlardyń qandaı da bir kúrdeli saldary bolmaýyna, júrip-turýǵa barynsha beıimdelip, keıbir qarapaıym tapsyrmalardy oryndaý arqyly óz qurdastarynan qalyspaýǵa kúsh salynady. Bul máseleni sheshý úshin tıisti ortalyqtar bolýy kerek», - dedi qoǵamdyq qordyń basshysy.
Sondaı-aq, ol Qazaqstanda ondaı ortalyqtar az ekenin atap ótti.
«Qazir bizdiń portalǵa osyndaı ortalyqtardy qurý týraly qosymsha ótinimder kelip túsip jatyr. Óıtkeni mundaı balalardyń ata-analary oblys ortalyqtary men qalalarda ǵana turmaıdy. Sondyqtan, bul baǵdarlamanyń jalǵasy bolady.
Mundaı ortalyqtardy «Qamqorlyq qory» sııaqty qordyń kómeginsiz qurý múmkin emes edi. Olar qazirdiń ózinde osyndaı 7 ortalyqty qurdy. Bul ortalyqtar keıin jergilikti ákimdikterdiń balasyna ótedi», - dedi Bolat Jámishev.
Buǵan deıin «Qazaqstan halqyna» qory sal bolyp qalǵan balalarǵa ekzoskelet satyp áperetini aıtyldy.
