TsentrKredıt Bankiniń strategııalyq ınvestory ońtústikkoreıalyq Koolmin Bank seriktesine qoldaý bildirdi
ASTANA. QazAqparat - TsentrKredıt Bankiniń strategııalyq ınvestory ońtústikkoreıalyq Kookmin Bank TsKB-ke jan-jaqty qoldaý kórsetetinin rastady. Bul týraly banktiń baspasóz habarlamasynda aıtylǵan.
Kookmin Bank prezıdenti Gon Ho Lı TsKB basshylyǵyna Kookmin Bank-tiń oǵan burynǵydaı qoldaý kórsetýge ázir ekendigin aıtyp, resmı hat joldaǵan.
"QazAqparat" agenttigi hattyń mátinin jarııalaıdy.
Qurmetti basqarma tóraǵasy Vladıslav Lı myrza, Kookmin Bank-tiń atynan men Sizdiń bastamashylyǵyńyz ben naryqtaǵy osyndaı qıyn jaǵdaıda jaýapty ári naqty sheshimder qabyldaı bilgendigińizdi atap ótkim keledi.
Kookmin Bank TsentrKredıt Banki AQ-nyń strategııalyq seriktesi retinde VVS-tiń negizsiz sms-habarlamalardyń taralýynan týyndaǵan aǵymdaǵy máselelerin jeńe alatynyna nyq senimdi.
Sonymen qatar, men Qazaqstan Ulttyq bankiniń basqarma tóraǵasynyń 18 aqpan kúni jasaǵan naqty málimdemesine senemin. Ol VSS-ti qosqanda Qazaqstannyń negizgi kommertsııalyq bankteri ótimdiliktiń negizgi parametrleri boıynsha berik ustanymda ekenin rastady. Qazaqstannyń Ulttyq bankiniń tóraǵasynyń bankterge ótimdilik boıynsha kómek kórsetýge daıyn ekendigin málim etkendiginiń arqasynda men naryqtyń jaqyn arada turaqtanatynyna senemin.
Strategııalyq seriktestik retinde qazirgi bar qıyndyqtardy joıýda birlese otyryp, biz VSS-ǵa qoldaý kórsetýdiń túrli josparlaryn qarastyryp jatyrmyz. Men aqyr sońynda VVS-tiń osy qıyndyqtardy jeńip, nyǵaıyp, Qazaqstannyń senimdi bankine aınalatynyna senemin.
Men taǵy da Sizder men VSS basqarmasynyń múshelerine ózimniń qoldaýym arqyly óz senimimdi bildirgim keledi.
Qurmetpen, Kookmin Bank prezıdenti Go Hon Lı
