TsentrKredıt banki Alfa-bank Qazaqstannyń aktsııalaryn tolyq satyp aldy
Bank qajetti tirkeýdiń bárinen ótkennen keıin ECO BANK brendimen jumys isteıdi. Tolyq ataýy - «ECO BANK» enshiles banki» aktsıonerlik qoǵamy.
«BankTsentrKredıttiń» resmı saıtynda «Alfa-Bank Qazaqstan» enshiles bankiniń» klıentteri úshin bank ónimderiniń búkil sharttary burynǵy qalpynda qalatyny aıtylǵan.
«SDN tiziminen shyǵarý protsedýrasy aıaqtalǵannan keıin bank qyzmetteriniń búkil tizbesi qoljetimdi bolady. Budan bylaı bizdiń klıentimizge aınalǵan tulǵalarǵa qolaıly bolýy úshin BCC.KZ veb-saıtynda suraq-jaýap formatynda qajetti aqparattar jarııalandy. Qosymsha suraqtar týyndaǵan jaǵdaıda jeke tulǵalar 505 nómirine, zańdy tulǵalar 605 nómirine habarlasa alady», - dep jazylǵan banktiń málimetinde.
Saıttaǵy málimetke sensek, «Alfa-Bank Qazaqstandy» satyp alýǵa «Bank TsentrKredıttiń» óz qarajaty jumsalǵan.
«Qazirgi tańda banktiń rebrendıng jumystary bastalyp ketti. ıAǵnı, enshiles bankten Qazaqstannyń qarjy naryǵynda 33 jyldan beri jumys istep kele jatqan «Bank TsentrKredıt» sııaqty tutastaı qazaqstandyq bankke aınalady», - dep jazady banktiń saıty.
«Bank TsentrKredıt» AQ basqarma tóraǵasy Ǵalym Husaınov sanktsııaǵa ilingen bankti satyp alý tájirıbesi Qazaqstanda alǵash ret bolyp jatqanyn aıtady.
«Qysqa merzimde osy kelisimdi sátti aıaqtaǵany úshin búkil qatysýshylarǵa alǵys aıtamyn. Biz úshin klıentter tarapynan túsip jatqan máselelerdi sheshý - basty mindet bolmaq. Sondaı-aq, qyzmetkerlerdiń bir komanda bolyp jumylyp, jańa banktiń bıznes-protsesterine atsalysýyn qamtamasyz etýimiz kerek. Munyń bári keleshekte uzaqmerzimdi jáne áriptestik qatynas ornatýǵa nıetti klıentterimizge arnalǵan jańa ári qarapaıym ónimderdi iske qosyp, banktiń jaǵdaıyn jetildirýge jol ashady», – deıdi bank basshysy.
Buǵan deıin Qarjy naryǵyn retteý agenttigi qazaqstandyq banktiń Alfa bank mártebesin ıelenýine kelisim bergen edi.
