Central Asia’s Got Talent baıqaýynyń jeńimpazdary anyqtaldy
NUR-SULTAN. QazAqparat - Elordada «Central Asia’s Got Talent» shoýynyń fınaly ótti, dep habarlaıdy QazAqparat Habar 24 telearnasyna silteme jasap.
Aqtyq synǵa birneshe qatysýshy ótken bolatyn. Arasynda jerlesterimiz de bar.
Baıqaýda Qazaqstannan Ǵalymjan Áýesbaı, Qyrǵyzstan elinen Aıjan Núsipálıeva, Tájikstannan Padıda jáne Ózbekstannan Daler Shavkatov jeńimpaz atandy.
Al bas júlde, ıaǵnı 10 mln teńge Tájikstan elinen kelgen Chorshanbe Alovatovke buıyrdy.
Aıta keterligi, Got Talent jobasynyń grand-fınaly jeksenbi keshke elordadaǵy Kelisim jáne Beıbitshilik saraıynda ótti. Joba 4 telearnada tikeleı efırde kórsetildi Fınalda úzdik ánshi, bıshi, sıqyrshy men akrobattar ózderiniń aqtyq synǵa daıyndaǵan biregeı jobalaryn kórermender nazaryna usyndy.
