CENTCOM: AQSh-tyń desanttyq kemesi Taıaý Shyǵysqa jetti
ASTANA. KAZINFORM — AQSh-tyń myńdaǵan áskerı qyzmetkeri bar desanttyq kemesi Taıaý Shyǵys aımaǵyna bardy. Bul týraly 28 naýryz, senbi kúni AQSh Ortalyq qolbasshylyǵy (CENTCOM) habarlady, dep jazady Anadoly.
Málimdemege sáıkes, USS Tripoli (LHA 7) kemesiniń bortyndaǵy AQSh teńiz jaıaý áskerleri men teńizshiler 27 naýryz kúni CENTCOM jaýapkershilik aımaǵyna jetken.
Qolbasshylyqtyń deregine sáıkes, USS Tripoli shamamen 3 500 teńizshi men teńiz jaıaý áskerinen turatyn ekspedıtsııalyq kúshterdiń flagmany bolyp sanalady. Keme quramynda kólik jáne soqqy beretin joıǵysh ushaqtar, desanttyq jáne taktıkalyq tehnıkalar bar.
Kemeniń aımaqqa jiberilýi AQSh pen Izraıldiń Iranǵa qarsy birlesken soqqylary jalǵasyp jatqan kezeńge tuspa-tus keldi. Bul qaqtyǵystar 28 aqpanda bastalyp, 1 340-tan astam adamnyń ómirin qıǵany belgili.
Óz kezeginde Iran Izraılge, sondaı-aq Iordanııa, Irak jáne Parsy shyǵanaǵy elderindegi AQSh áskerı nysandaryna drondar men zymyrandar arqyly jaýap soqqylaryn jasaǵan. Sonyń saldarynan adam shyǵyny tirkelip, ınfraqurylymǵa zaqym kelip, álemdik naryqtar men áýe qatynasyna áser etken.
Buǵan deıin Donald Tramp Iranǵa 15 tarmaqtan turatyn beıbit jospar usynǵanyn jazdyq.
Alaıda Iran AQSh-tyń soǵysty toqtatý týraly josparynan bas tartqany aıtyldy.
