Cenbi kúni elimizdiń basym bóliginde jaýyn jaýyp, jel kúsheıedi
ASTANA. QazAqparat - Qazaqstannyń basym bóliginde atmosferalyq frontaldy bólikterdiń ótýine baılanysty aýa raıy qubylyp turady. Tek eldiń batysy men ońtústik-batysynda kún ashyq bolady. Keı jerlerge jaýyn jaýyp, naızaǵaı oınap, jel kúsheıedi, tipti burshaq jaýýy da yqtımal, dep habarlaıdy QazAqparat.
Sınoptıkterdiń málimetteri boıynsha, Aqmola, Pavlodar, Jambyl, Batys Qazaqstan, Aqtóbe, Qostanaı, Qaraǵandy oblystarynda jel kúsheıip, jyldamdyǵy sekýndyna 15-20 metrge jetedi. Kúndiz jel Aqmola, Pavlodar jáne Qaraǵandy oblysynda da kúsheıedi. Munda tipti 15-20m/s jyldamdyqpen jel soǵyp, onyń sońy burshaqqa ulasýy da yqtımal.
Soltústik Qazaqstan oblysynyń keı jerlerinde jeldiń kúshi sekýndyna 15-20 metr jyldamdyqty quraıdy. Burshaq jaýýy yqtımal.
Mańǵystaý, Qyzylorda, sondaı-aq Atyraý Aqtóbe, Ońtústik Qazaqstan, Jambyl oblystarynyń keı jerlerinde órt qaýpi týyndaıdy.
Atyraý oblysynyń basym bóliginde aptap ystyq bolady.
