Cemeıdegi kásiporynnan 16 mln teńgeniń metaly urlandy
SEMEI. QazAqparat - Semeı qalasyndaǵy kásiporynnan 16 mln teńgege baǵalanǵan metall synyqtaryn urlaǵan 4 adam ustaldy, dep habarlaıdy QazAqparat.
Semeı qalasynda 15-24 qańtar aralyǵynda «Metall» jedel aldyn alý sharasy júrgizilýde. Sonyń aıasynda polıtsııa qyzmetkerleri tústi jáne qara metall qabyldaý pýnktterin tekserip jatyr. Búginde zańsyz jumys istegen osyndaı 5 pýnkt anyqtalǵan.
«Tártip saqshylary «VAZ-21013» jáne «Gazel» markaly kóliktermen Stepnoı kentiniń aýmaǵynda ornalasqan kásiporynnan metall synyqtaryn urlaǵan 4 adamdy ustady. Keltirilgen shyǵyn mólsheri 16 mln teńgeni quraǵan. Qazirgi ýaqytta tergeý amaldary júrgizilýde» - dep habarlady Semeı qalalyq Polıtsııa basqarmasynyń baspasóz qyzmeti.
Talǵatjan Muhametbekuly
