Cemeıde joǵalyp ketken 19 jastaǵy boıjetken izdestirilip jatyr
SEMEI. QazAqparat – Semeı qalasynda qutqarýshylar joǵalyp ketken 19 jastaǵy qyzdy izdestirýde, dep habarlaıdy QazAqparat tilshisi.
Qalalyq tótenshe jaǵdaılar basqarmasy baspasóz qyzmetiniń málimetine súıensek, 3 mamyr kúni úıden shyqqan 2000 jylǵy qyz sol kúıi qaıtyp oralmaǵan. Týǵan-týystary ony izdep taba almaǵan soń polıtsııaǵa qońyraý shaldy.
«Іzdeý jumystaryna 7-shi qutqarý bólimshesiniń qyzmetkerleri men súńgýirler tartyldy. Súńgýirler jeti shaqyrymǵa jetetin ózendi sharlap shyqty. Búginde olar Ertis ózeniniń jaǵalaýyn aspaly kópirden bastap qaraýda. Sondaı-aq qutqarýshylar motorly qaıyqpen barlyq araldardy tekserýde», - dep habarlady vedomstvo ókilderi.
Aıta keteıik, Aıym esimdi joǵalǵan qyzdyń boıy - 165 sm, kózi - qońyr, shashy - sary. Ústinde qara jempir men djınsy shalbar bolǵan.
Onyń qaıda ekeni jaıly qandaı da bir aqparat bilgender 8 7222 569717 nemese 102 nómirine habarlasýy qajet.
