Cemeıde úsh kólik soqtyǵysyp, 5 adam zardap shekti
SEMEI. QazAqparat – Semeı qalasynda úsh kólik soqtyǵysyp, 5 adam zardap shekti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy keshe saǵat 20.45-te Shákárim dańǵylynda bolǵan.
«Lada» avtokóligimen kele jatqan 34 jastaǵy júrgizýshi jol shetinde toqtap turǵan «Toyota» kóligine soǵylǵan. Osydan soń qarsy baǵytqa shyǵyp ketip, 42 jastaǵy er adam tizgindegen «Toyota Rav-4» kóligimen betpe-bet soqtyǵysty. Jol apaty saldarynan Lada jáne Toyota kólikteriniń júrgizýshileri men úsh jolaýshysy túrli dene jaraqatyn aldy», - delingen aqparatta.
Qazirgi ýaqytta atalǵan fakti boıynsha sot-medıtsınalyq saraptama taǵaıyndaldy. Sonyń nátıjeci boıynsha protsessýaldyq sheshim qabyldanady.
Esterińizge sala ketsek, osyǵan deıin ShQO-da jol apatynan 5 adam, onyń ishinde 1 jasar bala kóz jumǵanyn habarlaǵan bolatynbyz.
