Cemeıde sanıtarlyq talaptardy saqtamaǵan 15 dámhana jabyldy
SEMEI. QazAqparat – Semeıde qoǵamdyq tamaqtaný oryndaryndaǵy sanıtarlyq talaptardyń saqtalýyn tekserý maqsatynda kezekti reıd júrgizildi, dep habarlaıdy QazAqparat tilshisi.
Qalalyq Aqparat ortalyǵynyń málimetinshe, reıdke kásipkerlik bóliminiń qyzmetkerleri, SES ókilderi, jáne polıtseıler qatysqan. Shara barysynda jalpy sany 23 nysan tekserildi.
«Ortalyq bazar aýmaǵyndaǵy meıramhanada maska rejımi saqtalmaǵan, daıashylar qolǵap kımeı jumys istegen jáne qyzmetkerlerdiń dene qyzýyn ólsheıtin termometr bolmaǵan. Osyndaı olqylyqqa jol bergen kásip ıesiniń jumysy toqtatyldy. Sondaı-aq Ertis jaǵalaýynda ornalasqan dámhana da jabyldy. Onda bir ústel basynda alty adamnan artyq otyrǵan. Dál osyndaı kemshilikter anyqtalǵan ortalyq saıabaq, Jeńis saıabaǵy, ShQ AEQ, jáne Vostochnyı kentindegi dámhanalar jabyldy. Bul nysandar barlyq zańbuzýshylyqtardy joıǵannan keıin óz jumysyn qaıta jalǵastyra alady», - delingen habarlamada.
Dese de óz kelýshilerine qamqorlyq jasap, barlyq qajetti sanıtarlyq normalardy saqtaǵan tamaqtaný oryndary da joq emes. Reıd jumystary aldaǵy ýaqytty da jalǵasyn tappaq.
