Cemeıde polıtseı kópirden sekirmek bolǵan jasóspirimdi qutqardy
SEMEI. QazAqparat – Semeı qalasynda polıtsııa qyzmetkeri kópirden sekirmek bolǵan jasóspirimdi qutqardy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, oqıǵa 14 naýryz kúni keshki saǵat 20:30 shamasynda bolǵan.
Polıtsııa serjanty Maqsat Aqyltaev jumystan tys ýaqytta Ertis ózenindegi eski kópir arqyly shahardyń oń jaǵalaýyna qaraı kólik jýatyn orynǵa bettep kele jatty.
«Kenet ol kópir janynda turǵan adamdy kózi shalyp qalǵan. Keshki ýaqytta onyń jalǵyz turǵany kúdik týǵyzǵandyqtan jol shetine toqtaıdy. Jaqyndaı bergende jasóspirim kópirden sekirip ketýge árekettengen. Onyń sýıtsıd jasamaq bolǵanyna kózi jetken Maqsat áńgimege aınaldyra bastaıdy. Sáti túskende aıaǵynan ustap, artqa qaraı tarqan», - delingen habarlamada.
Jasóspirimdi qutqarǵannan keıin Maqsat «102» jedel arnasyna habar berip, eski kópirge avtopatrýl jiberýin ótingen.
Keıin ol ortalyq polıtsııa bólimine jetkizildi. Qazirgi tańda jasóspirimmen psıholog mamandar jumys isteýde.
