Cemeıde «KamAZ» tirkemesi ajyrap ketip, jaıaý júrginshini mert qyldy

SEMEI. QazAqparat – Semeı qalasynda «KamAZ» tirkemesi ajyrap ketip, bir adamdy mert qyldy, dep habarlaıdy QazAqparat tilshisi.

Abaı oblystyq Polıtsııa departamenti baspasóz qyzmetiniń málimetine súıensek, oqıǵa 24 naýryzda saǵat 16:30 shamasynda bolǵan. Semeı qalasyndaǵy Óskemen kóshesinde kele jatqan «KamAZ» júk kóliginiń tirkemesi kenetten ajyrap ketken.

Sonyń saldarynan tirkeme jol jıegindegi 20 jastaǵy er adamdy qaqqan. Qala turǵyny oqıǵa ornynda til tartpaı ketti.

«Atalǵan fakti boıynsha QR Qylmystyq kodeksiniń 345-baby 3-bóligine (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýynyń abaısyzda adam ólimine ákep soǵýy) sáıkes sotqa deıingi tergeý amaldary bastaldy. QPK 201-babynyń 1-bóligine sáıkes sotqa deıingi tergep-tekserýdiń ózge derekteri jarııa etýge jatpaıdy», - delingen aqparatta.

Foto Abaı oblystyq PD-dan