Cemeıde Ertis arqyly ótetin jańa kópir salynyp jatyr

SEMEI. KAZINFORM – Semeı qalasynda Ertis arqyly ótetin jańa kópir salynyp jatyr. Abaı oblysy ákimdiginiń málimetine súıensek, Semeıde Ertis ózeni arqyly ótetin jańa kópirdiń qurylysy jalǵasyp jatyr. 

«Ertis ózeni arqyly salynyp jatqan kópirdiń 9 tiregi jáne 8 aralyǵy bolady. Kópirdiń jalpy uzyndyǵy 1350 metrdi quraıdy. Onyń 810 metri kópirdiń negizgi bóligine, al qalǵan 540 metri eki jaǵynan ornalasqan qosymsha avtomobıl joldaryna tıesili. Eni – 23 metr», - delingen aqparatta.

Jańa kópir qaladaǵy kólik keptelisin azaıtyp, kólik aǵynyn retke keltirýge múmkindik beredi dep kútiledi. 

Eske salsaq, osyǵan deıin Abaı oblysy ákimimen Semeı ormany, aspaly kópir jáne Alakólde týrızmdi damytý jaıly suhbat qurǵan bolatynbyz.