Cemeıde bir aı buryn joǵalyp ketken 55 jastaǵy er adam áli tabylmaı jatyr
SEMEI. QazAqparat – Semeı qalasynda iz-tússiz joǵalyp ketken er adam izdestirilýde, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, ózi jumys isteıtin sharýa qojalyǵyna mal baǵýǵa ketken azamat sol-kúıi habar-osharsyz.
«9 maýsymda «Qyzyltas» sharýa qojalyǵynyń basshysy Semeı qalalyq Polıtsııa basqarmasynyń «102» jedel arnasyna qońyraý shaldy. Óz sózinde ol 1966 jylǵy Oleg Zýbkovtyń joǵalyp ketkenin aıtty. Atalǵan sharýa qojalyq Qaınar aýylynan 45 shaqyrymdaı qashyqtyqta ornalasqan», - dep habarlady vedomstvo ókilderi.
Polıtsııa qyzmetkerleri er adamdy tabý úshin jedel-izdestirý sharalaryn qolǵa aldy. Alaıda arada 1 aıdan astam ýaqyt ótse de Semeı turǵyny tabylmaı jatyr. Tártip saqshylary onyń qaıda ekenin bilgender bolsa «102» arnasyna habarlasýdy suraıdy.
