Cemeı turǵyny 15 mln teńgeniń esirtkisimen ustaldy

SEMEI. QazAqparat – Semeı qalasynyń turǵynynan 15 mln teńgeniń esirtkisi tárkilendi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, kúdikti shahardaǵy shaǵyn aýdandardyń birinde páter jaldaǵan.

Sonymen qatar ol marıhýana tasymaldaý úshin avtokólik jaldaǵan.

«Polıtsııa qyzmetkerleri onyń shemasyn ashyp, jalǵa beriletin páterdiń meken-jaıyn, az mólsherde esirtki satyp alýshylardyń kim ekenin anyqtady. Jalǵa alynǵan páterdi tintý kezinde marıhýana salynǵan úsh qorap tárkilendi», - deıdi ShQO PD bastyǵy Saǵat Mádıev.

Tárkilengen esirtkiniń jalpy salmaǵy 54 kelini qurady. Onyń qara naryqtaǵy quny - 15 mıllıon teńge.

Qazirgi ýaqytta kúdikti ýaqytsha ustaý ızolıatoryna qamaýǵa alynǵan.

Er adam 10 jyldan 15 jylǵa deıin bas bostandyǵynan aıyrylýy múmkin.