Tsement zaýytyndaǵy jarylys: Tekserýdiń qorytyndysy shyqty
ALMATY. QazAqparat - Almaty qalalyq ekologııa departamenti tsement zaýytyndaǵy jarylystan keıin júrgizgen tekserý qorytyndysy týraly aıtty, dep habarlaıdy QazAqparat tilshisi.
«Ekologııa departamentiniń qyzmetkerleri tótenshe jaǵdaı oryn alǵan jerge baryp, zaýyt aýmaǵynan synamalar aldy. Onyń nátıjesi aýaǵa jaıylǵan shańnyń ruqsat etilgen shoǵyrlaný normatıvterinen asyp ketkenin kórsetti. Jospardan tys tekserý júrgizildi. Eske salaıyq, 7 maýsym kúni keshki saǵat 20.00 shamasynda Pavlodarskaıa 48 kóshesinde ornalasqan «Nurtaý Temır», óndiristik bazasynda tsement tasıtyn kólikten shıkizatty syǵyndy ydysqa aıdaý kezinde tótenshe jaǵdaı bolǵan»,-dedi departamentten.
Tekserý nátıjeleri boıynsha «Nurtaý Temir» seriktestigi. Qazaqstan Respýblıkasynyń «Ákimshilik quqyq buzýshylyq týraly» Kodeksiniń 327, 328 babyna sáıkes aıyppul túrinde ákimshilik jaýapkershilikke tartyldy. Sondaı-aq Qazaqstan Respýblıkasynyń ekologııalyq zańnamasyn buzýshylyqtardy joıý jáne zııannyń ornyn toltyrý (atmosferalyq aýaǵa zııandy zattar shyǵarǵany úshin) týraly nusqaý berildi.
Eske salaıyq, zaýyttaǵy tótenshe jaǵdaı týraly áleýmettik jelide ekobelsendi Saltanat Tashımova jazǵan bolatyn.
