Tselınograd aýdanynda jol qurylysyna bólingen 1 mlrd teńgeden astam qarajat urlandy

ASTANA. QazAqparat - Aqmola oblysynyń arnaıy prokýrorlary memlekettik qarajatty jymqyrdy degen kúdikpen Aqmola oblysynyń Jolaýshylar kóligi jáne avtomobıl joldary basqarmasy bastyǵynyń orynbasary laýazymynda buryn istegen tulǵany ustap, ýaqytsha ustaý ızolıatoryna qamady, dep habarlaıdy QR Bas prokýratýrasynyń baspasóz qyzmeti.

Sot sanktsııasymen ol kúzetpen ustaýǵa alyndy.
Ol jol salýǵa bólingen bıýdjettik qarajatty asa iri kólemde jymqyrý faktisine qatysy bar degen kúdikke ilinip otyr. Atap aıtqanda, naqty jumystardy oryndamaı, bıýdjetten 1 mlrd 244 mln teńge alǵan.

Osy fakt boıynsha QK 189 baby 4 bóligi 2 tarmaǵymen (asa iri kólemde jysqyrý) sotqa deıingi tergeý júrip jatyr.

Osyndaı qylmys jasaǵany úshin 12 jylǵa deıin bas bostandyǵynan aıyrý jazasy belgilengen.