Tselınograd aýdanynda jappaı sý tasqynyna qarsy is-sharalar júrgizilip jatyr
KÓKShETAÝ. QazAqparat - Aqmola oblysynyń Tselınograd aýdanynda kóktemgi sý tasqynynyń aldyn alý, eldi mekenderdi qarǵyn sýdan qorǵaý boıynsha birqatar is-sharalar júrgizilýde, dep habarlaıdy QazAqparat tilshisi oblystyq Tótenshe jaǵdaılar epartamentiniń baspasóz qyzmetine silteme jasap.
Vedomstvonyń málimetinshe, ótken táýlikte aýdan boıynsha 12247 tekshe metr sý sorylyp, 2500 metr aryqtar men sý burý arnalary qardan tazartyldy, sondaı-aq, 4,85 tekshe metr qar shyǵaryldy. Bul jumystarǵa barlyǵy 18 adam, bir birlik tehnıka jáne 8 birlik motopompa jumyldyryldy.
Eske sala keteıik, keshe Aqmola oblystyq TJD qyzmetkerleri men tehnıkasy Tselınograd aýdanynda shuǵyl apattyq-qutqarý jumystaryn júrgizý úshin jiberildi. Onyń quramynda 66 adam, 16 tehnıka jáne 10 motopompa bar.
