Tselınograd aýdanynda kóp fýnktsıonaldy sport alańy paıdalanýǵa berildi-Aqmola oblysy
KÓKShETAÝ.QazAqparat- Aqmola oblysynyń Tselınograd aýdanynda kóp fýnktsıonaldy sport alańy paıdalanýǵa berildi, dep habarlaıdy QazAqparat tilshisi.
Aýdan ákimi baspasóz qyzmetiniń málimeti boıynsha, Aqmol aýylynda ashylǵan nysan Memleket basshynyń «Bolashaqqa baǵdar: rýhanı jańǵyrý» baǵdarlamasy sheńberinde júzege asyrylyp otyr.
Atalmysh sport alańynyń qurylysyna «Samruk - Kazina Trust» KQ bas dırektory Erlan Darımov, QR Parlamenti Májilisi tóraǵasynyń orynbasary Vladımır Bojko demeýshilik kómek kórsetken.
Nysannyń ashylý saltanatyna aımaq basshysy Məlik Myrzalın, «Samruk - Kazyna Trust» KQ bas dırektory Erlan Darımov, QR Parlamenti Májilisi tóraǵasynyń orynbasary Vladımır Bojko men depýtat Darhan Qalybaev, aýdan basshylyǵy men turǵyndary qatysty. Sport alańynyń ashylýy aqmolalyqtar úshin aıtýly oqıǵa boldy. Aqmola jastary endi bos ýaqyttarynda osy jerde sportpen shuǵyldana alady.
«Jastar elimizdiń keleshegi! Sondyqtan, memleket tarapynan jastardyń deni saý bolyp ósip, tərbılenýi úshin barlyq jaǵdaı jasalynýda», dedi aımaq basshysy óz sózinde.
