Tselınograd aýdanynda birneshe jańa nysan ashyldy - Aqmola oblysy
KÓKShETAÝ. QazAqparat - Aqmola oblysynyń Tselınograd aýdanynda birneshe jańa nysan ashyldy, dep habarlaıdy QazAqparat tilshisi.
«Jańa kásiporyndar iske qosylyp, jańa jumys oryndarynyń ashylýy, áleýmettik jáne ınfraqurylymdyq máselelerdiń sheshilýi óńirlik damýdyń vektory bolady», deıdi vedomstvodan.
Bul joly Qosshy aýylynda aýyl klýby ashyldy. Nysan rýhanı damýdyń ortalyǵyna aınalatyny sózsiz.
«Mádenı oshaqtyń ashylýy aýyl turǵyndarynyń shyǵarmashylyqpen aınalysyp, mádenı deńgeıin kóterýine múmkindik beredi», - deıdi Tselınograd aýdanynyń ákimi Málgajdar Tátkeev.
Klýbta horegrafııa, shahmat, doıby, vokal, hor, ulttyq aspaptarda oınaý sııaqty 10 úıirme jumys isteıdi. Budan bólek, klýb janynan 900 kitap qory bar kitaphana ashyldy.
Sonymen qatar, aýylda oryn alǵan taǵy bir aıtýly oqıǵa - «KAZYNA-SR» JShS-niń jıhaz tsehynyń ashylýy. Tsıfrlandyrylǵan kásiporyn qazirgi zamanǵy tehnologııany qoldanýdyń arqasynda jıhazdyń birneshe túrin shyǵaryp qana qoımaı, eńbek ónimdiligin arttyrady dep josparlanǵan.
Jobany tanymal kásipker, metsenat Sara Mataıbaeva júzege asyryp otyr. Ol aýyldyń damýy men ondaǵy halyqtyń ómir súrý sapasyn arttyrýǵa barynsha úles qosyp keledi. Demeýshiniń kómegimen aýylda otbasylyq densaýlyq ortalyǵy ashylyp, memleketke tapsyryldy, budan bólek aǵylshyn tilin tereńdetip oqytatyn mekteptiń qurylys júrgizilýde.
