Tselınograd aýdanynda 50 oqýshyǵa arnalǵan bastaýysh mektep ashyldy - Aqmola oblysy
KÓKShETAÝ. QazAqparat - Aqmola oblysynyń Tselınograd aýdanynda 50 oqýshyǵa arnalǵan bastaýysh mektep esigin aıqara ashty, dep habarlaıdy QazAqparat tilshisi.
1-shi qyrkúıek - Bilim kúni Birlik aýylynda paıdalanýǵa berilgen bastaýysh mekteptiń jóndeý jumystary memlekettik-jekeshelik seriktestik aıasynda qolǵa alyndy. Osy oraıda, «Shańyraq» basqarýshy kompanııasy» JShS bas dırektory Aleksandr Lorents 8 mıllıon teńge qarjy bólgenin aıta ketken jón. Bul qarjyǵa 30 oryndyq mektep, 50 oqýshyǵa shaqtalyp jóndelgen.
Aleksandr Lorents Aqmola óńiriniń týmasy, bir kezderi Germanııaǵa qonys aýdaryp, keıin týǵan jerine qaıtyp oralady. Osy kúni ol basqaratyn «Shańyraq» basqarýshy kompanııasy» JShS elimizge taýyq etin óndiretin «Capital Projects LTD» JShS-nyń quryltaıshysy.
Mekteptiń ashylýy saltanatyna aýdan ákimi Məlǵajdar Tətkeev pen «Aqmola-Fenıks» AQ bas dırektory Maksım Bojko jəne aýyl turǵyndary qatysty.
Atalmysh mektep aýyl balalarynyń sapaly bilim alýy úshin qajetti qazirgi zamanǵy quraldarmen jabdyqtalǵan. Jańa bilim ǵımaratynyń ashylǵanyna qýanǵan aýyl turǵyndary memleketke de, osy ıgilikti iske kúsh jumsaǵan barlyq sala mamandaryna da alǵystaryn aıtýda.
Sonymen qatar, shara barysynda aýdan əkimi 1-shi synypqa baratyn múgedek bala (DTsP) Bolat Janasylǵa kompıýter jəne mektepke qajetti qural-jabdyqtardy syıǵa tartty.
