CDMA/EVDO tehnologııasy boıynsha Internet jelisine symsyz keń jolaqty qoljetimdiliktiń eń joǵarǵy jyldamdyǵy eki ese ósti
ASTANA. 1 aqpan. QazAqparat - 1 aqpannan bastap respýblıkamyzdyń aýyldyq eldi mekenderinde CDMA/EVDO tenologııasy boıynsha Internet jelisine symsyz qoljetimdilik qyzmeti úshin málimetterdi berý eń joǵarǵy jyldamdyq 512-den 1024 Kbıt/s deıin «Megaline 2000» jáne «Megaline 4000» («Qazaqtelekom» AQ) tarıftik josparlaryndaǵy abonenttik tólemderin joǵarylatýsyz kóterildi.
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Eske salatyn bolsaq, 2012 jyly CDMA/EV-DO tehnologııasy boıynsha ınternettiń jyldamdyǵy 256-dan 512 Kbıt/s deıin kóterilgen bolatyn.
Sonymen qatar, aǵymdaǵy jyldyń qańtarynda CDMA/EVDO tehnologııasy boıynsha symsyz ınternettiń paıdalanýshylary úshin aýyldyq eldi mekenderde abonenttik tólemdi kótermesten aldyn ala tólengen trafık kólemi 2 ese kóbeıtildi.
Sondaı-aq, aýyldyq eldi mekenderde ınternetke qosylý (EV-DO) quny 29,5 paıyzǵa tómendetildi. Endi bul qyzmetke qosylý quny 7056 teńgeniń ornyna 4974 teńgeni quraıdy.
Oǵan qosa, 2013 jyldyń aıaǵyna deıin halyq sany 50 adam shamasynda jáne odan asatyn barlyq eldi mekender CDMA/EVDO tehnologııasy boıynsha symsyz ınternetke qosylý múmkindigimen qamtamasyz etiledi.
Qosymsha aıta ketetin jaıt, kórsetiletin baılanys qyzmetter sapasyn joǵarylatý jáne Internet jelisine keń jolaqty qoljetimdilik tarıfterin tómendetý sharalaryn iske asyrý nátıjesinde Qazaqstan BEF (Búkilálemdik ekonomıkalyq forým) reıtıngisinde Internet jelisine belgilengen keń jolaqty qoljetimdilik qyzmet tarıfter deńgeıi boıynsha 2011 jyly 19-shy orynnan 13-shi orynǵa kóterildi.
