Cáýir aıynyń sońyna deıin «Ashyq» qosymshasy barlyq óńirde iske qosylady
«Mınıstrlik elimizdiń IT-qaýymdastyǵynan koronavrýspen qarsy kúreske atsalysatyn tehnologııalyq sheshimder tabýǵa kómektesýdi suraǵan bolatyn. Mundaı jobalardyń iske asýyn bıýrokratııalyq protsester uzaqqa sozyp jiberetinin eskerip, usynatyn erikti ári aqysyz negizde daıyndaý týraly ótinish aıtylǵan. Dál osy kezde Nur-Sultan qalasynyń deńgeıinde azamattar kóp shoǵyrlanǵan oryndarda tirkelgen vırýs juqtyrý jaıttaryn anyqtaıtyn joba júrip jatty. Ony jasaýshy – Vıtalıı Pýstovoıtenko edi. Bizdiń úndeýimizge ún qatyp, jobasyn aqysyz negizde tırajdaýǵa kelisti», - deıdi Áset Turysov.
Joba avtoryna Densaýlyq saqtaý mınıstrligi men jáne «Atameken» UKP qoldaý kórsetip, ilki joba óziniń ómirsheńdigin kórsetti. Búgin Vıtalıı Pýstovoıtenko óz jobasyn Tsıfrlyq damý, ınnovatsııalar jáne aeroǵarysh ónerkásibi mınıstrligine tapsyryp otyr.
«Qazir mınıstrlik mamandary ol jobany qabyldap qana qoımaı, aqparattyq qaýipsizdikti saqtaı otyryp, «Aqparattyq tehnologııalyr» AQ-nyń serverine ótkizdi. Osynyń esebinen aqparattyq qaýipsizdik boıynsha synaq ótkizip jatyrmyz. «Ashyq» qosymshasyn búginniń ózinde 235 myń qoldanýshy júktep alǵan. Іlki jobaǵa 619 kásipkerlik nysany qatysyp jatyr. Kóbine bul fıtnes-klýbtar, ıoga-ortalyqtar, spa-ortalyqtar, kompıýterlik klýbtar, basseınder. Sońǵy bir aptada 213 sáıkestendirilgen adam anyqtaldy. Jalpy alǵanda joba bastalǵaly 660 sáıkestendirilgen nemese «qyzyl» azamat anyqtalǵan», - deıdi mınıstrlik ókili.
Sondaı-aq, ol qosymshanyń sáýir aıynyń aıaǵyna deıin barlyq óńirde iske qosylatynyn málim etti.
«Jobany maqsaty – bıznes nysandarynda qaýipsiz orta qalyptastyrý. Vırýs juqtyrmaǵan adamdar burynǵydaı erkin ómir saltyn ustaný úshin jasalyp otyr. PTR-testi aýrý kórsetpegen adamdar joǵaryda atalǵan nysandarǵa kedergisiz bas suǵa alatyn bolady. Qosymshanyń arqasynda azamattar óz barǵysy keletin nysannyń qaýipsiz ekenin, onda aýrýdan ada orta bar ekenin naqty bile alady. Mundaı jaǵdaı týǵyzý arqyly kásipkerlerge de óz isin jalǵastyrýǵa múmkindik berýge bolady. Mınıstrlik qoldanýshylardy qoldaý úshin «1414» call-ortalyǵyn iske qosty. Al bıznes qaýymdastyq úshin «Atameken» UKP bazasynda «1432» call-ortalyǵy jumys istep tur. Osylaısha Úkimettiń tapsyrmasy boıynsha 26 sáýirde «Ashyq» qosymshasyn barlyq óńirler boıynsha iske qosýdy jsoparlap otyrmyz. Oǵan deıin qajet sharalardyń bárin qabyldaımyz», - dedi vıtse-mınıstr.
