Cáýir aıynda kásiporyndardyń iskerlik belsendiligi joǵary boldy
ASTANA. 11 mamyr. QazAqparat /Qanat Mámetqazyuly/ - Statıstıka agenttiginiń saýalnamasymen suralǵan kásiporyndar sáýir aıynda ózderiniń iskerlik belsendiligi joǵary bolǵanyn kórsetken.
Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
«Ónerkásip kásiporyndarynyń basshylary aǵymdaǵy jyldyń sáýirinde ótken aımen salystyrǵanda daıyn ónimge suranystyń ósýin jáne ónerkásip kóleminiń eleýli azaıýyn atap ótti, bul olardyń iskerlik belsendiliginiń ósýin aıǵaqtaıdy. Іskerlik belsendiliginiń ózgerýin sıpattaıtyn kásipkerliktiń senimdilik ındeksi ótken aımen salystyrǵanda 1 paıyzdyq tarmaqqa ósip, (+15) paıyzdy qurady», - delingen agenttiktiń taratqan málimetinde.
Budan bólek, saýalnamaǵa qatysqan ónerkásip kásiporyndary basshylarynyń baǵalaýy boıynsha jaqyn keleshekte 2011 jylǵy shildege deıin iskerlik belsendiliktiń ósýi kútiledi. 2011 jylǵy sáýirde ótken aımen salystyrǵanda tutynýshylyq suranystyń kemýi, saýda kásiporyndary basshylarynyń baǵalaýy boıynsha, olardyń iskerlik belsendiliginiń tómendeýine sebep boldy. Bul rette kásipkerliktiń senimdilik ındeksi 7 paıyzdyq tarmaqqa kemip, (+5) paıyzdy qurady. Saýda kásiporyndary basshylarynyń boljamdy baǵalaýy boıynsha 2011 jylǵy shildege deıin iskerlik belsendilikke baılanysty eleýli ózgerister kútilmeıdi.
