Cátbaevta kenshiler ereýilge shyqty: Qazaqmys túsinik berdi

ASTANA. QazAqparat – «Qazaqmys» JShS Sátbaevtaǵy jumysshylardyń narazalyǵyna qatysty túsinikteme berdi, dep habarlaıdy QazAqparat tilshisi atalǵan kompanııanyń baspasóz qyzmetine silteme jasap.

«2023 jylǵy 14 tamyzda túngi aýysymǵa túsken Sátbaev óndiristik alańynyń №65 shahtasynyń kenshileri men merdigerlik uıymdarynyń qyzmetkerleri jumysty toqtatqanyn habarlady. Mán-jaıdy bilý anyqtaý maqsatynda «Qazaqmys» basshylyǵy, prokýratýra jáne jergilikti atqarýshy bılik ókilderi oqıǵa ornyna bardy. Qazirgi ýaqytta «Qazaqmys» JShS basshylyǵy týyndaǵan máselelerdi sheshý úshin shahterlerdiń bastamashyl tobymen kelissózder júrgizip jatyr», - delingen habarlamada.

Sondaı-aq resmı aqparatta óńirlik jedel shtabtyń qurylǵany aıtylady.

«Qazaqmys» kompanııalar toby árqashan syndarly dıalogqa ashyq jáne solaı qala beredi», - deıdi kompanııadan.