Caspian Sea Action Week aıasynda Aqtaýda Kaspıı mańy elderiniń Dostyq alleıasy ashyldy
ASTANA. KAZINFORM - Aqtaýda Caspian Sea Action Week – 2026 halyqaralyq jobasy aıasynda Kaspıı mańy elderiniń Dostyq alleıasy saltanatty túrde ashyldy.
Jańa alleıa Kaspıı mańy elderi arasyndaǵy dostyq pen yntymaqtastyqtyń nyshanyna aınaldy, dep habarlaıdy QR mádenıet jáne aqparat mınıstrliginiń baspasóz qyzmeti.
Saltanatty is-sharaǵa Qazaqstan, Ázerbaıjan, Reseı, Iran, Túrikmenstan, Qyrǵyzstan, Tájikstan jáne Ózbekstannan kelgen volonterler qatysty.
Dostyq alleıasynda keler urpaqqa arnalǵan arnaıy kapsýla qoıyldy. Oǵan Kaspıı óńiri elderiniń ortaq tarıhy, mádenı baılanysy men tabıǵı murasy týraly úndeý salyndy.
Caspian Sea Action Week – 2026 Qazaqstan Prezıdenti Qasym-Jomart Toqaev usynǵan bastama negizinde BUU jarııalaǵan Halyqaralyq volonterler jyly aıasynda ótip jatyr.
Halyqaralyq aptalyq aıasynda azamattyq belsendilikti arttyrýǵa, ekologııalyq mádenıetti qalyptastyrýǵa jáne elder arasyndaǵy yntymaqtastyqty nyǵaıtýǵa baǵyttalǵan volonterlik bastamalar júzege asyrylady.
Osyǵan deın elimizde volonterlikti damytýdyń jańa tujyrymdamasy ázirlenip jatqany týraly jazdyq.
