Caspi Bitum zaýytynda órt shyqty

ASTANA. KAZINFORM — 2025 jylǵy 6 qyrkúıek kúni saǵat 08:05-te «Caspi Bitum» JShS-de atmosferalyq kolonnaǵa aparatyn qubyrda órt shyqty. Bul týraly «QazMunaıGaz» kompanııasy habarlady.

Resmı málimetke qaraǵanda, órt oshaǵy zaýyttyń statsıonarlyq órt sóndirý júıesimen 08:32-de tolyqtaı sóndirilgen. Oqıǵa ornyna «Semser-Órt Sóndirýshi» JShS-niń órt sóndirý bólimsheleri men TJD qalalyq órt qyzmeti de jumyldyryldy.

- Zardap shekkender men materıaldyq shyǵyn tirkelgen joq, - dep jazdy vedomstvodan.

Aıta keteıik, «Caspi Bitum» zaýyty Mańǵystaý oblysynyń Quryq kentinde ornalasqan. Bul kásiporyn «QazMunaıGaz» jáne qytaılyq CNPC birlesken jobasy retinde 2013 jyly iske qosylǵan.

Eske salaıyq, Aqtóbede qoqys polıgonyndaǵy órt eki táýlikten soń tolyq sóndirildi.