CAS úsh dúrkin Olımpıada chempıonyn segiz jylǵa sporttan shettetti
NUR-SULTAN. QazAqparat – Sporttyq arbıtraj soty (CAS) júzýden úsh dúrkin olımpıada chempıony qytaılyq Sýn ıAndy antıdopıng erejesin buzǵany úshin segiz jylǵa sporttan shettetti. Bul týraly QazAqparat CAS baspasóz qyzmetine silteme jasap habarlaıdy.
28 jastaǵy sportshy 2020 jyldyń 28 aqpanynan bastap sporttyq jarystarǵa qatysa almaıdy.
2018 jyly Sýn ıAn odan synama alýǵa kelgen dopıng-baqylaý ofıtseriniń kózinshe synamany balǵamen uryp, syndyrǵan edi. Alǵashqyda ol nesebin tapsyrýdan bas tartyp, keıin ydysty balǵamen syndyrǵan jáne ishindegi qan synamasyn tartyp alǵan. Halyqaralyq júzý federatsııasy (FINA) sportshyǵa eshqandaı sanktsııa jasamady, alaıda Dúnıejúzilik antıdopıng agenttigi (WADA) CAS-qa isti qaıta qaraýdy talap etken. 2014 jyly Sýn ıAn tyıym salynǵan zatty paıdalanǵany úshin úsh aıǵa sporttan shettetildi, bul týraly onyń merzimi aıaqtalǵan kezde jarııalandy. CAS buzýshylyqtyń qaıtalanýyna baılanysty eń uzaq sanktsııa saldy, ıaǵnı ol segiz jylǵa sporttan shettetildi.
Sýn ıAnniń buzýshylyǵy 2019 jylǵy álem chempıonaty bastalǵanǵa deıin tirkelgenimen, qytaılyq sportshy ıelengen eki altyn júlde alynǵan joq. Sebebi, týrnırde sportshynyń dopıng-synamalary teris nátıje bergen.
foto: russian.rt