Tsarnaevtyń qorǵaýshylary jańa sot tyńdaýyn Bostonnan basqa jerde ótkizýdi surady
ASTANA. QazAqparat - Boston marafony kezinde terakt jasaǵany úshin ólim jazasyna kesilgen Djohar Tsarnaevtiń qorǵaýshylary Bostonnan tys jerde sot tyńdaýyn uıymdastyrýǵa qatysty sotqa suraý joldady, dep habarlady TASS.
«BAQ tarapynan birjaqty taratylǵan habar, oqıǵalar men Bostondaǵy kóńil-kúı atalǵan is boıynsha ádil sot úrdisin ótkizýge kedergi boldy», delingen joldanǵan ótinimde.
Advokattar sonymen qatar, BAQ pen áleýmettik jelilerde jarııalanǵan lańkestik oqıǵadan keıin aman qalǵandardan alynǵan suhbat pen Tsarnaev jáne onyń januıasy músheleri týraly aqparattar sottyń ádil ótýine kedergi keltirgenin de aıtyp otyr.
Osyǵan deıin Tsarnaev apellıatsııalyq sottyń sheshimin kútkenshe, qatań tártiptegi túrmege kóshirilgeni habarlanǵan bolatyn.
