Tsarnaevtyń dosy óz kinásin moıyndaýy múmkin
ASTANA. QazAqparat - Qarý men esirtki saqtady dep aıyptalǵan, Bostondaǵy lańkestikti uıymdastyrdy dep kúdiktelgen Djohar Tsarnaevtyń jaqyn dosy Stıven Sılva sotta óz kinásin moıyndamaq.
Tamyz aıynda Sılva sotta óziniń kinásiz ekenin málimdegen bolatyn. Assoshıeıted Press sot qujattaryna silteme jasaı otyryp habarlaǵandaı, Amerıkanyń Massachýsets shtatynda Kembrıdj qalasynyń 21 jastaǵy turǵyny juma kúni ótetin sot otyrysynda óz kinásin moıyndaıdy dep kútilýde. Sılvanyń qorǵaýshysy ázirge bul aqparatqa baılanysty túsinikteme bergen joq. Sılva óshirilgen tirkeý nómiri bar tapanshany ıesi retinde aıyptalýda. Sonymen birge oǵan geroın taratty degen jeti fakti boıynsha aıyptar taǵylǵan. Ol barlyq aıyptaýlardy joqqa shyǵardy, biraq óziniń qamaýǵa alynýyn daýlaý quqyǵyn paıdalanbady. Sılvanyń Ruger R95 tapanshasynyń úlgisi Bostondaǵy polıtsııa qyzmetkeri óltirilgen qarýmen sáıkes keledi. Aıyptaý onyń tapanshaǵa 2013 jyldyń aqpanynda ıelik etkenin kórsetip otyr. Sılvanyń Tsarnaevpen bir synypta oqyǵany da belgili. Al onyń egiz aǵasy Tsarnaevtyń jaqyn dosy bolǵan. Bostondaǵy lańkestik 2013 jyldyń 15 sáýirinde boldy. Eki jarylys saldarynan úsh adam qaza boldy, 260-tan astamy jaraqattandy. Lańkestikke qatysy bar dep aǵaıyndy Tsarnaevtar kúdiktelýde. Olardyń úlkeni - Tamerlan polıtsııamen bolǵan atys kezinde óltirildi. Djohar arnaıy shara operatsııa barysynda qmaýǵa alynyp, oǵan 30 pýnkt boıynsha aıyptar taǵyldy, olardyń 17-si boıynsha ol ólim jazasyna kesilýi múmkin.
