Tsarnaevty 101 mln. dollar tóleýge mindettedi
ASTANA. QazAqparat - AQSh Federaldyq soty 2013 jyly boston marafonynyń máresinde jarylys ázirleýge qatysýshylardyń biri, ólim jazasyna kesilgen Djohar Tsarnaevty zardap shekkenderdiń jáne qaıtys bolǵandardyń otbasyna 101 mln. dollar tóleýdi mindettedi, dep habarlady Bı-Bı-sı.
Degenmen Assoshıeıted Press bul sheshimniń oryndalýy qıyn, óıtkeni Tsarnaevta mundaı aqsha joq, túrmede tabys tabýdyń reti jáne joq, dep atap ótken.
Sonymen qatar sot sottalýshynyń onyń isin qaıta qaraý jáne sot otyrysyn basqa qalada ótkizý týraly ótinishterin keri qaıtardy. Sot isti jarylys bolǵan jerde qaraý alqa bılerge qosymsha qysym kórsetken joq dep sanaıdy.
Tsarnaevty 3 adam mert bolyp, 250-den astamy jaralanǵan eki jarylysty ázirleýge qatysty dep aıyptady. Tergeý nusqasy boıvnsha, ol óziniń aǵasy Tamerlannyń sybaılasy bolǵan.
Tamerlan Tsarnaev jarylystan keıin ony ustaýǵa tyrysqan polıtsııa oǵynan qaza tapty. Djohar Tsarnaev keıinirek qolǵa tústi. Ustaý kezinde aýyr jaraqat aldy, emdelip shyqqannan keıin ǵana sot aldyna keldi.
2015 jylǵy mamyrda Tsarnaevty ólim jazasyna kesti. Onyń úkimge qatysty barlyq ótinishteri qanaǵattandyrylǵan joq. Degenmen jazany oryndaý uzaqqa sozylýy múmkin. 1998 jyldan beri AQSh-ta federaldyq sýdıalar shyǵarǵan 74 ólim jazasy úkimderiniń úsheýi ǵana or
