Tsarnaevtiń advokattary onyń isin qaraý ornyn aýystyrýǵa qatysty sheshimge narazylyq bildirdi
ASTANA. QazAqparat - 2013 jylǵy sáýirde Boston marafony ýaqytynda lańkestik jasaǵany úshin aıyptalǵan Djohar Tsarnaevtiń advokattary sársenbide federaldyq sýdıa Djordja O'Týlanyń Tsarnaev isin qaraý ornyn aýystyrýǵa qatysty sheshimine appelıatsııalyq shaǵym bildirdi.
Muny BAQ-ta jarııalanǵan sot qujaty rastaıdy, dep habarlady ITAR-TASS.
Olardyń derekterine sáıkes, qorǵaýshylar AQSh-tyń birinshi okrýgi sotyna appelıatsııalyq shaǵym bergen. Sársenbide O'Týl Tsarnaev sotyn ótkizý ornyn aýystyrýǵa qatysty qoldaýhatty qabyldamady. Osylaısha, eger apellıatsııalyq sot atalǵan sheshimdi joımasa, sot 5 qańtarda bastalyp, Bostonda (Massachýsets shtaty) ótedi. Alaıda, endi onyń advokattary O'Týldan appelıatsııalyq sot olardyń qoldaýhattaryn qarap bitkenshe, Tsarnaevtyń taǵdyryn sheshetin sýdıalardy irikteý rásimin toqtata turýdy ótindi. Budan buryn qorǵaýshylar O'Týlýge sotty bastaýdy keıinge shegerýge, ony Bostonnan AQSh-tyń kez kelgen basqa qalasyna aýystyrýǵa qatysty ótinishpen birneshe ret júgingen. Advokattar qala lańkestik qurbany bolǵandyqtan, Bostonda sot ádil ótpeıtinine senimdi.
