Tsarnaevtar AQSh-tyń Táýelsizdik kúni lańkestik jasaýdy josparlaǵan
ASTANA. 3 mamyr. QazAqparat - Aǵa-inili Tsarnaevtar 4 shildede, AQSh halqy Táýelsizdik kúnin toılap jatqan shaqta lańkestik jasaýdy josparlaǵan.
Bul týraly Reuters agenttigine silteme jasaǵan RosBıznesKonsaltıng habarlady.
Tamerlan men Djohar Tsarnaev jarylǵysh zattardy kútkendegiden tezirek jınaǵandyqtan, qylmystyq josparlaryna ózgerister engizgen.
Buǵan deıin Bostondaǵy marafon kezinde iske qosylǵan jarylǵysh zattardyń radıo arqyly basqarylatyny habarlandy. Olarǵa oıynshyq mashınalarda qoldanylatyn basqarý qurylǵysy ornatylǵan. Bombany uıaly telefon arqyly iske qosqan.
Aıta keteıik, Bostondaǵy lańkestikke Soltústik Kavkazdyń týmasy aǵaly-inili Tsarnaevtar aıyptalýda. 2013 jyldyń 15 sáýirinde Boston marafonynyń máre syzyǵynda birneshe jarylys oryn alyp, 3 adam qaza taýyp, 200-den astamy jaraqattanǵan edi. Eki kúnnen keıin Massachýsets tehnologııalyq ınstıtýtynda bolǵan atysta T. Tsarnaev ajal qushty. Sol kúni onyń inisi boı tasalap úlgerdi. Terrorshyny quryqtaýǵa arnaıy qyzmetter jumyldy. Ol tek 20 sáýir kúni ǵana qolǵa tústi. Aýyr jaraqattanǵan Dj. Tsarnaev aýrýhanaǵa jetkizildi. Qazirgi ýaqytta ol túrmede.
