Tsarnaevqa úkim resmı túrde 24 maýsymda jarııalanady
ASTANA. QazAqparat - Djohar Tsarnaevqa ólim jazasy úkimi 24 maýsymda resmı túrde jarııalanady, dep habarlady Rosbalt.
Associated Press agenntiginiń habarlaýynsha, federaldyq sýdıa Djordj O'Týl sot sheshimin 24 maýsym kúni jarııalaýdy taǵaıyndady, ol sottalýshynyń advokattaryna 17 tamyzǵa deıin is boıynsha ótinish berý úshin ýaqyt berilgenin atap ótti.
Bostondaǵy lańkestik aktiniń 20-ǵa tarta zardap shegýshileri úkimdi jarııalaý kezinde sóıleýge tilek bildirdi. Eger aıtqysy kelse, Tsarnaevtyń ózine de sóz beriledi.
2013 jylǵy 15 sáýirde Bostondaǵy marafon kezinde eki jarylys oryn aldy, onyń saldarynan úsh adam mert bolyp, 280-i jaraqattar aldy. Tergeý qoldan jasalǵan jarylys qurylǵysy iske qosylǵanyn anyqtady. Tamerlan Tsarnaev ustaý kezinde qazaǵa ushyrady, onyń inisi Djohar keıinnen polıtsııanyń qolyna tústi.
2015 jylǵy 15 sáýirde alqabıler alqasy 21 jastaǵy Tsarnaevty ólim jazasyna kesti. Ol aıyptaýdyń barlyq 30 tarmaǵy boıynsha aıypty dep tanyldy, onyń 17-si osyndaı jaza berýdi kózdeıdi.
