Tsarnaevqa sot qarashada bolady
ASTANA. QazAqparat - AQSh Federaldyq sýdıasy O'Týl Boston qalasyndaǵy júgirý marafony kezinde lańkestik jasaýǵa kúdikti Djohar Tsarnaevqa sot úderisi bas alýyn 2014 jylǵy 3 qarashaǵa taǵaıyndady, dep habarlady RBK.
Associated Press agenttiginiń habarlaýynsha, bul kún qorǵaýshy advokattardyń qarsylyǵyna qaramastan belgilendi, advokattar úderis bastalǵanǵa deıin sot olarǵa jetkilikti ýaqyt bermeı otyrǵanyn tilge tıek etedi. Alaıda sýdıa Dj.O'Týl 3 qarasha ázirlik úshin «naqty jáne ádiletti» merzim dep atap ótti. Qorǵaýshy advokattar sot 2015 jylǵy qarashadan buryn bastalmaýy tıis dep sanaıdy. Olardyń aıtýynsha, prokýratýra qorǵaýshylardyń zattaı aıǵaqtar berý týraly saýaldaryna keshiktirip jaýap qaıtarýda.
Tergeý nusqasy boıynsha Dj. Tsarnaev pen onyń aǵasy Tamerlan Tsarnaev Boston marafonynda qoldan jasalǵan jarylǵysh qurylǵy qoıyp, kóptegen adamdardyń qurban bolýyna soqtyrǵan. Úsh kúnnen keıin ýnıversıtette aǵaıyndylar atys barysynda polıtseıdi óltirdi.
2013 jylǵy 15 sáýirdegi Boston marafony kezinde birneshe jarylys saldarynan úsh adam qaza bolyp, 260-qa jýyǵy zardap shekti. 26 jastaǵy T.Tsarnaev 2013 jylǵy 19 sáýirde Massachýset ınstıtýtynyń kampýsynda óltirildi, sonda atys barysynda polıtseı kóz jumdy. Resmı emes málimetter boıynsha T.Tsarnaev Vırdjınııa shtatyndaǵy musylmandar qorymyna jerlengen.
Sóıtip, aǵaıyndy Tsarnaevtardyń kishisi - 20 jastaǵy Dj.Tsarnaev sotqa tartyldy. Ol óziniń kinásin moıyndaǵan joq. Ony ustaý barysynda aýyr jaralanyp, qazir Boston mańyndaǵy túrmeniń medıtsınalyq ortalyǵynda jatyr.
