Tsarnaev pen Qadyrbaevtyń Qazaqstanda bolmaı qalǵan bıznesi
ASTANA. QazAqparat - Bostondyq teraktige qatysy bar degen aıyppen qamaýda otyrǵan Djohar Tsarnaev Dıas Qadyrbaevpen birge Qazaqstanda Starbucks kofehanalarynyń jelisin ashýdy josparlapty. Bundaı aqparatty búgin «Astana» telearnasy «Tengrınıýs» saıtyna silteme jasap habarlady.
Qadyrbaev jarylystan keıin Federaldy tergeý bıýrosyna bergen túsiniktemesinde, qaıǵyly oqıǵaǵa deıin kishi Tsarnaevpen birigip bıznes ashý jaıyn talqylaǵandaryn aıtqan.
Eske salaıyq, 2013 jyly Boston marafonynda bolǵan jarylystan 3 adam qaza taýyp, 260 adam jaraqattandy. Jarylysty uıymdastyrǵan Tamerlan Tsarnaev polıtsııamen qarýly qaqtyǵys kezinde qaza tapty. Al onyń inisi Djohar Tsarnaev qamaýǵa alyndy. Tergeýshiler aıǵaqtardy izdeý barysynda qazaqstandyq stýdentter Dıas Qadyrbaev pen Azamat Tájaıaqovty qamaýǵa aldy. Olarǵa aıǵaqtardy qasaqana joq qylǵany úshin aıyp taǵyldy.
Búgin elimizdiń Syrtqy ister mınıstrligi Amerıka abaqtysyndaǵy stýdentterdiń ahýaly týraly habar taratty. «Olardyń jaǵdaıy birqalypty, ata-analaryna vıza alýǵa kómek kórsetildi» delingen resmı habarlamada.
Al AQSh soty Tájaıaqov pen Qadyrbaevtyń isin eki bólek qaraǵaly jatyr. Budan buryn habarlanǵandaı, qazaqstandyq stýdentterge qatysty sot otyrysy 30 maýsymǵa jáne 8 qyrkúıekke belgilendi.
