Career Enbek platformasynda azamattyń jeke tsıfrlyq profılin qurý iske qosylady

ASTANA. KAZINFORM – Career Enbek platformasynda azamattyń jeke tsıfrlyq profılin qurý iske qosylady. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.

- Mansap Compass platformasynda ıntegratsııalanǵan tsıfrlyq navıgator jumys atqarýda. Ol mamandyq tańdaýǵa kómektesedi, kásiptik testileýden ótýge, oqytý boıynsha jeke usynystar alýǵa, onlaın kýrstarǵa qol jetkizýge múmkindik beredi. Career Enbek platformasy Ulttyq biliktilik júıesiniń barlyq negizgi quraldaryn «bir tereze» formatynda biriktiredi. Sonymen qatar jasandy ıntellekt tehnologııalaryn paıdalaný arqyly platformada azamattyń jeke tsıfrlyq profılin qurý iske qosylýda», - dedi Úkimet basshysy jaýabynda.

Premer-Mınıstrdiń aıtýynsha, 800-den astam jańa mamandyqty qamtıtyn jańartylǵan Ulttyq kásipter klassıfıkatory daıyndaldy. Onyń ishinde IT-mamandyqtar (QA-ınjener, DevOpsınjener, BI-analıtık, IoT-júıeleriniń ınjeneri, tsıfrlyq tehnolog, Web-master), marketıng jáne tsıfrlyq mamandyqtar (brend-menedjer, marketıng analıtıgi, SMMmenedjeri, UX/UI-dızaıner jáne t.b.) bar. 

- Bul mamandyqtar kreatıvti ekonomıkada, tsıfrlyq agrobıznes pen logıstıkada suranysqa ıe. Olardyń resmı tanylýy bilim berý baǵdarlamalaryn ázirleýge, granttardy taǵaıyndaýǵa, kásiptik standarttardy qurýǵa jáne jumyspen qamtý baǵdarlamalaryn iske qosýǵa múmkindik beredi, - dedi Oljas Bektenov.

Buǵan deıin elimizde jumyssyzdardy VR-tehnologııalary negizinde oqytý qolǵa alynatynyn jazǵan edik.