Career Enbek bazasynda bilim berý baǵdarlamalarynyń ashyq tizilimi paıda boldy
ASTANA. KAZINFORM — Bilim berý baǵdarlamalarynyń biryńǵaı tizilimi eńbek naryǵymen úılesimdilikti kúsheıtedi, dep habarlaıdy Eńbekmıni baspasóz qyzmeti.
Ulttyq biliktilik júıesiniń tsıfrlyq platformasy Career Enbek bazasynda tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý baǵdarlamalary týraly aqparatty qamtıtyn bilim berý baǵdarlamalarynyń tizilimi (budan ári — Tizilim) iske qosyldy.
— Tizilim — derekterdiń ashyqtyǵyn, salystyrmalylyǵyn jáne ózektiligin qamtamasyz etetin, sondaı-aq bilim berý júıesi men kásiptik talaptardyń ózara baılanysyn nyǵaıtýdyń mańyzdy tetigi bolyp tabylatyn qural. Ol kadrlar daıarlaý sapasyn arttyrýǵa jáne Ulttyq biliktilik júıesin odan ári damytýǵa yqpal etedi, — delingen habarlamada.
Tizilim bilim berý baǵdarlamalaryndaǵy jáne olardy ázirleýdiń negizi bolyp sanalatyn kásiptik standarttardaǵy ózgeristerdi júıeli túrde monıtorıngileýge múmkindik beredi. Bul qural bilim berý uıymdarynyń eńbek naryǵynyń talaptaryna sáıkes baǵdarlamalar mazmunyn qanshalyqty jedel jańartyp otyrǵanyn, sondaı-aq kásibı standarttardyń praktıkada qalaı qoldanylyp jatqanyn baqylaýǵa jol ashady.
Osylaısha tizilim «Kásiptik biliktilikter týraly» zań aıasynda ázirlenip, kadrlar daıarlaýdyń zamanaýı ınfraqurylymyn qalyptastyrýdyń mańyzdy elementine analady.
Tizilimmen tómendegi silteme arqyly tanysýǵa bolady.
Osydan buryn mınıstrlik áleýmettik jeliler men messendjerlerde taralǵan «Svetlyı pýt» baǵdarlamasy týraly aqparat shyndyqqa sáıkes kelmeıtinin málim etken edi.
