«Car city» bazarynda 94 adam ustaldy - Almaty polıtsııasy
ALMATY. QazAqparat - Almaty polıtsııasy «Car city» avtobólshekter bazarynda 94 adamdy ustap, bólimshege jetkizdi, dep habarlaıdy QazAqparat tilshisi.
Bul týraly qalalyq ІІD resmı ókili Saltanat Ázirbek aıtty.
Reıd áli de jalǵasyp jatyr. Osy ýaqytqa deıin avtobólsheý saýdasymen aınalysatyn 1 133 dúńgirshek, 37 TQKO, 94 kólik tekserildi.
Polıtsııanyń nazaryna túsken 936 adamnyń 94-i bólimshege jetkizildi.
«Olardyń 17-si Ózbekstan azamaty bolyp shyqty. Olar QR Kóshi-qon týraly zańnamasyn buzǵan. Reıd barysynda izdeýdegi 5 qylmysker ustaldy. Avtobólshek saýdasymen aınalysatyn 5 satýshy kúmán týǵyzdy. Olar buryn paıdalanylǵan aına, áınek, aına korpýsy, tumanǵa qarsy fara, avtomagnıtola satatyny anyqtaldy. Olar resmı dıstrıbıýtor bolsa, satqan taýarlaryna resmı qujat bolýy tıis. Mundaı qujattar olarda joq bolyp shyqty», - dedi Saltanat Ázirbek.
Sondaı-aq, tekserilgen kásipkerlerdiń úsheýi salyq organdarynda tirkelmegen bolyp shyqty.
Bazar mańynda saýdamen aınalysyp júrgen 3 kámelettik jasqa tolmaǵan jetkinshek Almatydaǵy balalardy beıimdeý ortalyǵyna tapsyryldy.
«Endi olardyń ata-anasyna QR ÁQK 127-baby boıynsha ákimshilik jaza qoldanylady. Al balalardy jumysqa salǵany úshin jumys berýshi QR ÁQK 86-baby boıynsha jaýap beretin bolady», - dedi S.Ázirbek.
Aıta ketý kerek, kesheli beri Almatyda avtobólshek bazarynda arnaıy reıd júrgizilip jatyr.
Keshe «Jibek joly» avtobólshek bazaryn tekserýdi bastaǵan edi. Jedel profılaktıkalyq shara 29 shildege deıin jalǵaspaq.
